E RËNDËSISHME ËSHTË TA DASHUROSH PUNËN
 
Që shoqëria të ecë përpara, duke bërë një jetë sa më të qetë e në shërbim të njëri - tjetrit sipas aftësisë në detyra dhe shërbime të ndryshme. Një nga shërbimet me cilësi që dallojnë mes një numri të madh shërbimesh, është edhe ai i picerisë në picerinë “Pronto”, ku në etiketimin e kartonëve lexojmë fjalën ”Hallall”.
Njerëzit e kënaqur me këtë shërbim këto kohët e fundit, pas viteve kur nuk lejohej aktiviteti privat, kanë një mundësi më shumë, për të gjetur ushqime të një cilësie të mirë, dhe një shërbim sa më të kënaqshëm, ku të mbeten të kënaqur si shërbyesit po ashtu dhe ata që shërbehen.
“Ne jemi të gatshëm për çdo gjë, është shprehja që ka në majë të buzëve, Dritan Coka. Presim me mirësi e dallohemi si për pastërti, shërbim të sjellshëm, cilësi të lartë dhe me çmimet më të arsyeshme, ku  shohim që nga shërbimi i mirë, klientët tërheqin njëri-tjetrin. Mbushemi me gëzim kur shohim se vijnë klient të rinj dhe shtohen nga dita në ditë porositë. Kur sheh që çdo njeri nuk largohet pa falënderime të sinqerta, të hapet zemra dhe falënderimet kthehen me të njëjtën pastërti dhe çiltërsi.

-Në shërbim siç e shihni thotë Dritani, jam unë dhe dy djem, Muhameti dhe Mateo, që më ndihmojnë, apo dhe gjatë punës ndihmojmë njëri-tjetrin”.
 Dritanin e ndjekim edhe tek mëson dy bashkëpunëtorët e tij Muhametin dhe Mateon.  Në shërbime i jepet përparësi shijes së klientit. Ka ndërhyrje e shije të ndryshme. Dikush nuk do në shërbimin e tij të porosisë kërpudhat, dikush e dëshiron me shumë kërpudha, dikush e pëlqen me shumë perime, një dëshirë tjetër vjen për më shumë mish viçi më tepër në porosinë e tij dhe kështu me radhë. Nuk u ndalëm për të folur thjesht për zanatin e picë bërësit, por edhe për cilësitë e tjera të Dritanit si djalë nga Rrajca që punën e ka në ngjak, që nuk përton në gatimin e picave, mësimit të gjuhëve të huaja, shërbimeve e mjeteve elektronike, rrobaqepësi e të tjera…!

-Puna thotë ai nuk ka turp, ja vlen të punosh çdo lloj pune por e rëndësishme është ta dashurosh atë. Ai hesht kur e pyet për planet e së ardhmes së tij, por sigurisht njerëz si Dritani kanë gjithmonë një plan dhe vërtet si dihet se ku do ta shohim Dritanin nga Rrajca, që është i dashuruar si me punën ashtu dhe me vendlindjen.    
 Shpëtim BOZHA