MJESHTRAT E PUNIMIT TE DRURIT DHE GURIT
 
Fshati i Rrajës,me një popullsi prej 7000 banorësh,ka pasur të zhvilluar artizanatin,blegtorinë dhe pak bujqësinë. Në këtë shkrim unë do ndalem tek mjeshtrit e punimit te drurit dhe te gurit.
Ne çdo pese frymë, njeri ishte mjeshtër. Mjeshtrit e punimit te gurit punuan jashtë rrethit te tyre si ne Korçë, Gjirokastër, Përmet, Devoll, Tiranë, Gjakovë etj. Jashtë atdheut emigruan në Stamboll, Argjentinë etj, ku edhe sot varret i kanë andej. Si mjeshtri Ali Sulo. Vlen të përmendet mjeshtri Dalip Hëna dhe Hajdar Rira, të cilët ndërtuan varrin e Nënës Mbretëreshë.(1920) ose Miftar Hëna që ndërtoi xhaminë e Gjakovës. Mjeshtrët e punimit të gurit Hajdar Rira, Miftar Hëna, Ismail Karaj, Dalip Hëna, Sadush Karaj, Sadush Alla, Bari Collaku, Halit Bozha, Zeqir Laçka dhe dhjetëra të tjerë, ndërtuan ministritë, Universitetin Shtetëror dhe pallatin mbretëror (sot Pallati i Brigadave). Sipërmarrës i këtyre punimeve ka qenë Sadush Karaj.
Mjeshtrat e punimit të drurit kanë qenë Mersin Alla, Hajredin Alla, Zeqir Laçka, Hajdar Rira, Ali Beqo dhe sot janë Daut Beqo, Shefki Alla, Vesel Coka etj.
Artizanati në Rrajcë vazhdon me punimin e stolive të nuseve të cilat bëheshin dhe bëhen në vegjë dhe me shtiza. Vlen të përmendet Edije Mala,(1913) Behane Karaj, Mihane Sulo dhe sot mjeshtret Bukurie Miftari, Life Rira, Mine Coka dhe Vezir Ballshkashi që punojnë stolitë e nuseve.
Mjeshtrat e mëdhenj të punimit të drurit dhe të gurit në Rrajcë, sot janë zëvendësuar me brezat e tyre që janë shpërndare ngado ku punojnë në Greqi, Itali, Gjermani, Angli, Amerikë, etj, dhe gëzojnë respekt nga të gjithë të huajt.
Rrajca ka pasur 12 mullinj ku bluanin fshatrat përreth, fshatrat e Mokrës dhe fshatrat përtej kufirit Belicë, Ladorisht dhe Frëngovë.
Në Rrajcë ka pasur edhe një derstile dhe 2 kovaçana që i shërbenin fshatit me veglat e punës për blegtorinë, bujqësinë dhe artizanatin.
Kjo traditë vazhdon edhe sot por në përmasa më të vogla për shkak të emigrimit.
 
Skënder KARAJ